FHN Ağsuda baş verən yanğınla bağlı məlumat yaydı

Ağsu rayonunda ümumi sahəsi 150 m² olan talvarın yanar konstruksiyaları və altına yığılan 52 ton ot bağlamasının 40 tonu yanıb.

Bu barədə Teleqraf.com Fövqəladə Hallar Nazirliyinə (FHN) istinadən xəbər verir.

Ot bağlamalarının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

***

12:01

Ağsu rayonunda güclü yanğın başlayıb.

Yanğın rayonun Keçdiməz kənd ərazisində baş verib.

Quru ot sahəsində başlayan yanğın qısa müddətdə geniş ərazini əhatə edib.

Hadisə yerinə Ağsu və Şamaxı rayonlarından Fövqəladə Hallar Nazirliyinin Dövlət Yanğından Mühafizə Xidmətinin canlı qüvvə və iki yanğınsöndürən texnikası cəlb edilib.

Yanğının hələ də davam etdiyi bildirilir.