Altı nəfər batmaqdan xilas edildi

Bu gün ölkənin müxtəlif ərazilərindəki çimərliklərdə altı nəfər boğulmaq təhlükəsi ilə üzləşib.

Fövqəladə Hallar Nazirliyindən Teleqraf.com-a verilən məlumata görə, hadisələr Xaçmaz, Mərdəkan, Qobustan, Nardaran və Bilgəh çimərliklərində olub.

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən Nardaran çimərliyində iki, digərlərinin hərəsində isə bir nəfər batmaqdan xilas edilib.