12 Noyabr 18:14
693

Azərbaycanlı müğənni Vüqar Muradovun evindən 3500 manat oğurlanıb.

Bu barədə Teleqraf.com-a Daxili İşlər Nazirliyinin mətbuat xidmətindən bildirilib.

İfaçı DİN-ə ünvanladığı mətkubunda bildirib ki, oğurluğu evinə gələn usta edib: “Kombi ustası evimdən 3500 manat pulumu oğurlayıb. Pulumu hər zaman evdə istilik sisteminin arxasında saxlayırdım. Dünən səhər bizə gəldi, kombini düzəldib getdi. Yatmışam, ağlıma gəlməyib. O da pulu oradan götürüb gedib. Zəng vurdum ki, qardaş, heç kim bilməyəcək, öz xoşluğunla pulumu gətir qaytar. Mənimlə elə danışdı ki... Dedim, dünən yox, o biri gün oradan 2500 manat pul götürmüşəm, dünən səhər də evə sən gəlmisən. Atama maşın almağa gedirdim. Əlimi atdım ki, pulu götürüm, gördüm, yoxdur”.

Müğənni bildirib ki, aidiyyəti üzrə Binəqədi rayon Polis İdarəsinin 6-cı polis bölməsinə müraciət edib. "Polislər qısa zamanda oğrunu tapdılarr və pulu mənə qaytardılar. Başda general polkovnik Vilayət Eyvazov olmaqla bütün DİN rəhbərliyi və əməkdaşlarına təşəkkür edirəm".


Müəllif: Hacı Zeynalov