DİN-dən atanın oğlu tərəfindən öldürülməsi ilə bağlı - Açıqlama

Daxili İşlər Nazirliyi Şirvan şəhərində baş verən qətllə bağlı məlumat yayıb.

Teleqraf.com xəbər verir ki, martın 11-də Şirvan şəhərində yaşayan Elşən Xanışovun evində ailə-məişət münaqişəsi zəminində qardaşı Elçinə bıçaqla xəsarət yetirməsi və onları sakitləşdirməyə cəhd göstərən atası Zeynalı itələdiyindən sonuncunun pilləkəndən yıxılaraq ölməsi barədə daxil olan məlumatla əlaqədar dərhal Şirvan şəhər polis və prokurorluq orqanlarının əməkdaşları tərəfindən müvafiq tədbirlər həyata keçirilib.

Məlumata görə, təxirəsalınmaz istintaq və əməliyyat tədbirləri ilə bu cinayət əməlini törətməkdə şübhəli bilinən E.Xanışov saxlanılıb.

Faktla bağlı Şirvan şəhər Prokurorluğu tərəfindən araşdırma aparılır.