Abşeronda iki qardaş oğurluq avtomobillə qəzaya düşdü

Abşeron rayonunda oğurluq avtomobillə qəza törədilib.

Teleqraf.com xəbər verir ki, Abşeron rayon Polis İdarəsinə Sumqayıt şəhər sakini İ.İbişlinin “QAZ-3110” markalı avtomobilinin mayın 2-də saat 22 radələrində Saray qəsəbəsi ərazisindən qaçırılması barədə məlumat daxil olub.

Əməliyyat-axtarış tədbirləri nəticəsində avtomobil həmin gün saat 23 radələrində qəsəbə ərazisində elektrik dirəyinə vurulmuş vəziyyətdə tapılıb, nəqliyyat vasitəsini qaçırmaqda şübhəli bilinənlər - qəsəbə sakinləri V.Ağalı və yeniyetmə qardaşı saxlanılıblar.

Faktla bağlı araşdırma aparılır.