Bakıda keçmiş məhkumlar cinayət törətdi

Bakının Səbail rayonunda oğurluq hadisəsi baş verib.

Teleqraf.com xəbər verir ki, rayonun M.Şəfi küçəsində yaşayan Emin İsabalayevə məxsus mənzilin girişində saxladığı 900 manatlıq velosiped oğurlanıb.

Səbail rayon Polis İdarəsinin 9-cu polis bölməsinin əməkdaşlarının keçirdiyi əməliyyat-axtarış tədbirləri nəticəsində əvvəllər məhkum olunmuş 1983-cü il təvəllüdlü Famil Fətullayev saxlanılıb.

Bundan başqa, oğurluq etdiyinə görə tutulmuş R.Hüseynovun ətrafında Binəqədi rayon Polis İdarəsinin 6-cı polis bölməsində araşdırma aparılıb.

Onun Biləcəri qəsəbəsindəki 2 marketdən ərzaq məhsulları və Binəqədi qəsəbəsindəki 1 marketdən 140 manat dəyərində 16 ədəd şampun və ərzaq məhsulları oğurlaması müəyyən edilib.