Sabirabad sakini həmyerlisinin qızıllarını oğurladı

Sabirabad rayonunda oğurluq hadisəsi baş verib.

Teleqraf.com xəbər verir ki, rayon ərazisindəki evlərin birindən 3600 manat dəyərində qızıl-zinət əşyaları oğurlanıb.

Sabirabad rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən şəhər sakini R.Kazımov saxlanılıb.

Onun əvvəllər məhkum olunduğu da məlum olub.

Faktla bağlı cinayət işi başlanıb.