Bakıda gənc oğlandan əmisinə qarşı dəhşətli əməl – Təfərrüat

Bakının Xəzər rayonunda bıçaqlanma hadisəsi baş verib.

Teleqraf.com xəbər verir ki, rayonun Türkan qəsəbəsində 1967-ci il təvəllüdlü Sərdar Quliyev bıçaqlanıb.

Yaralı xəstəxanaya çatdırılıb. Ona vaxtında tibbi yardım göstərildiyi üçün onun həyatını xilas etmək mümkün olub.

Məlum olub ki, Sərdar Quliyev qardaşı oğlu İsrail Quliyevlə şəxsi münasibətlər zəminində mübahisə edib.

Mübahisə zamanı İsrail Quliyev onun qarın nahiyəsindən bıçaqla vurub.

Hadisəni törədən İsrail Quliyev həbs edilib.

Faktla bağlı Cinayət Məcəlləsinin 126.1-ci (qəsdən saölamlığa ağır zərər vurma) maddəsi ilə cinayət işi başlanıb.