Şəmkirdə sərxoş gəncdən həmyerlisinə qarşı cinayət – Foto

Şəmkir rayonunda oğurluq hadisəsi baş verib.

Teleqraf.com xəbər verir ki, mayın 26-da axşam saatlarında Şəmkir rayon Keçili kənd sakini Pərvin Quliyev rayon polis şöbəsinə ərizə ilə müraciət edərək həmkəndilisi Sənan Məmədlinin onun başına taxta parçası ilə vuraraq “DaweooNexia” markalı avtomobilini qaçırdığını bildirib.

Dərhal Şəmkir rayon polis şöbəsinin əməkdaşlarının həyata keçirdikləri intensiv əməliyyat-axtarış tədbirləri nəticəsində S. Məmmədli qaçırdığı avtomobil ilə rayon ərazisində saxlanılaraq polis şöbəsinə gətirilib.

Saxlanılan şəxs ifadəsində hadisəni içkili halda törətdiyini, avtomobili qaçırmaq fikrinin olmadığını bilidirib.

Faktla bağlı araşdırmalar davam etdirilir.