İki rayonda ağır qəza: 1 ölü, 2 yaralı

Qobustan rayonunda ölümlə nəticələnən yol-nəqliyyat hadisəsi baş verib.

Teleqraf.com xəbər verir ki, rayon ərazisində "VAZ-2107" markalı minik avtomobili yük maşını ilə toqquşub.

Nəticədə minik avtomobilində olan sərnişin Şamil İsrafilov vəfat edib.

Bundan başqa, yunun 7-si axşam saatlarında Bakı-Quba yolunda da ölümlə nəticələnən yol-nəqliyyat hadisəsi baş verib.

Hadisə yolun Quba rayonunun Alekseyevka kəndi ərazisindən keçən hissəsində qeydə alınıb.

"Kia" markalı maşın yoldan çıxaraq ağaca çırpılıb. Qəza nəticəsində müxtəlif dərəcəli bədən xəsarətləri alan iki nəfər Quba regional Diaqnostika Mərkəzinə yerləşdirilib.

Hər iki faktla bağlı araşdırma aparılır.