Bakıda evləri qarət edən şəxslər həbs edildi

Bakının Binəqədi rayonunda oğurluq hadisəsi baş verib.

Teleqraf.com xəbər verir ki, Binəqədi rayon Polis İdarəsinin 6-cı polis bölməsi əməkdaşları tərəfindən oğurluq etməkdə şübhəli bilinən S.Cəfərov və S.Bəyalıyev həbs edilib.

Onların rayon ərazisində 2 evdən ümumilikdə 6700 manat, 700 ABŞ dolları və 550 manat dəyərində qızıl-zinət əşyaları oğurlamaları müəyyən edilib.

Bundan başqa, Xəzər rayon Polis İdarəsinin 2-ci polis şöbəsi əməkdaşları tərəfindən həbs olunan A.Hüseynovun ətrafında əməliyyat tədbirləri aparılıb.

Onun rayon ərazisində 2 evdən 1675 manat dəyərində təmir-tikinti alətləri və məişət əşyaları oğurlaması müəyyən edilib.