Bakıda 29 yaşlı oğlan gənc qıza təcavüz etdi

Bakının Sabunçu rayonunda gənc qıza qarşı seksual xarakterli zorakılıq hərəkətləri edilib.

Teleqraf.com xəbər verir ki, 1991-ci il təvəllüdlü Bakı şəhər sakini Mətiş Təbriz oğlu Mehrəliyevin gənc qıza qarşı seksual xarakterli hərəkətlər etməsi barədə hüquq-mühafizə orqanlarına məlumat daxil olub.

Mətiş Mehrəliyev həbs olunub.

İstintaq orqanı tərəfindən Mətiş Mehrəliyevin barəsində Cinayət Məcəlləsinin 150.1-ci (zərərçəkmiş şəxsə və ya başqa şəxslərə zor tətbiq etməklə və ya belə zor tətbiq etmə hədəsi ilə və ya zərərçəkmiş şəxsin köməksiz vəziyyətindən istifadə etməklə uşaqbazlıq və ya seksual xarakterli digər zorakılıq hərəkətləri etmə) maddəsi ilə ittiham elan edilib.

İstintaq davam edir.