Polis Qobuda əməliyyat keçirdi: Həbs olunan var

Abşeron rayonunda narkotiklərlə bağlı əməliyyat keçirilib.

Teleqraf.com xəbər verir ki, Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Abşeron rayonu Qobu qəsəbə sakini E.Muxtarov saxlanılıb.

Şəxsi axtarış zamanı ondan 14 qramdan artıq marixuana aşkar edilib.

Davam etdirilən tədbirlərlə onun yaşadığı evə baxış zamanı isə əlavə olaraq 3 kiloqram 205 qram marixuana, 1 ədəd elektron tərəzi, həyətyanı sahəsindən isə kultivasiya yolu ilə yetişdirilmiş 8 ədəd çətənə kolu aşkar edilib.