Xırdalan şəhərində quldurluq hadisəsi baş verib.
Teleqraf.com xəbər verir ki, Abşeron rayon Polis İdarəsinə müraciət edən Aşağı Güzdək qəsəbə sakini İ.Söhbətov oktyabrın 20-də Xırdalan şəhəri ərazisində idarə etdiyi “Nissan” markalı avtomobilə sərnişin qismində oturmuş 2 nəfərin onu hədələyib 20 manat pulunu aldıqlarını bildirib.
Polis əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən Xırdalan şəhər sakinləri, əvvəllər məhkum olunmuşlar R.Bəkirov və N.Rəhimov müəyyən edilərək saxlanılıblar.