Hərbi xidmətdə olanlar ölkədən getmək üçün icazə alacaq

Milli Məclis “Hərbi qulluqçuların statusu haqqında” qanuna dəyişiklik edilib.

Qanun layihəsi barədə məlumat verən vitse-spiker, Milli Məclisin Təhlükəszlik və müdafiə komitəsinin sədri Ziyafət Əsgərov deyib ki, dəyişikliyə əsasən bundan sonra Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə qulluq edən hərbi qulluqçular (hərbi attaşelər, hərbi nümayəndələr və onların köməkçiləri istisna olmaqla) müvafiq icra hakimiyyəti orqanlarının rəsmiləşdirilmiş icazəsi olduqda Azərbaycandan gedə bilərlər.

Bu qayda həmçinin Azərbaycan hüdudlarından kənarda beynəlxalq hərbi təlimlərə, antiterror, xilasetmə və xidməti zərurətlə bağlı digər tədbir və ya əməliyyatlara cəlb olunan müddətli həqiqi hərbi xidmət keçən hərbi qulluqçulara da şamil olunur.

Nemət