Hacıqabulda ev yandı

Hacıqabul rayonunda evdə yanğın baş verib.

Teleqraf.com xəbər verir ki, bu barədə Fövqəladə Hallar Nazirliyi məlumat yayıb.

Bildirilib ki, Hacıqabul rayonunun Atbulaq kəndində ümumi sahəsi 140 kvadrat metr olan birmərtəbəli dörd otaqlı evin yanar konstruksiyaları alışıb.

Yaxınlıqdakı tikililər yanğından mühafizə olunub. Alov yanğından mühafizə bölmələri tərəfindən söndürülüb.

Digər yanğın hadisəsi Sabirabadda olub. Rayonun Qaragüney kəndində ümumi sahəsi 250 kvadrat metr olan kürsülü birmərtəbəli evin yanar konstruksiyaları 110 kvadrat metr sahədə və ev əşyaları qismən yanıb.

Evin qalan hissəsi, bitişik talvar və köməkçi tikili yanğından mühafizə olunub. Alov yanğından mühafizə bölmələri tərəfindən söndürülüb.