Bakıda avtomobil aşdı: 1 ölü, 1 yaralı

Bakının Xəzər rayonunda yol-nəqliyyat hadisəsi baş verib.

Teleqraf.com xəbər verir ki, rayonun Qala qəsəbəsi ərazisində Bakı şəhər sakini R.Heydərov idarə etdiyi “Hyundai” markalı avtomobili aşırıb.

Nəticədə sərnişinlərindən Abşeron rayon sakini Ramil Sarıyev hadisə yerində ölüb, digər sərnişin isə xəstəxanaya yerləşdirilib.

Faktla bağlı Xəzər rayon Polis İdarəsində araşdırma aparılır.