Biləsuvarda minik, Kürdəmirdə yük avtomobili yandı

Biləsuvar rayonunda "VAZ" markalı minik avtomobilinin mühərrik hissəsi yanıb.

Fövqəladə Hallar Nazirliyindən Teleqraf.com-a verilən məlumata görə, avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

Bundan əlavə, Kürdəmir rayonunun Yeni Şıxımlı kəndində "DAF" markalı yük avtomobilinin qoşqusunun 3 ədəd təkəri yanıb. Avtomobil və qoşqunun qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.