Tehranın bəzi bölgələrində həyəcan siqnalları eşidilir

Tehranın bəzi bölgələrində həyəcan siqnalları eşidilir.

Teleqraf.com-un məlumatına görə, bu barədə "Jamaran" agentliyi xəbər verib.

Agentlik qeyd edib ki, siqnalların səsi şəhərin qərb hissəsində eşidilir. Onun səbəbləri araşdırılır.

İran KİV-lərin verdiyi məlumata görə, İranın havadan müdafiə sistemində nasazlıq yaranıb. Tehranın qərbində, İmam Xomeyni aeroportu ətrafındakı ərazilərdə elektrik verilişi dayandırılıb. Aeroportda uçuşların dayandırıldığı deyilir.

Bildirilir ki, İstanbul-Tehran reysi ilə uçan təyyarə Tehran səmasında bir neçə dəfə dövrə vurduqdan sonra istiqamətini Bakıya doğru dəyişib.