Bakıda axtarışda olan şəxs tutuldu

Bakının Sabunçu rayonunda əməliyyat keçirilib.

Teleqraf.com xəbər verir ki, Sabunçu rayon Polis İdarəsinin 12-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində Cinayət Məcəlləsinin 177-ci (oğurluq) maddəsi ilə axtarışda olan, əvvəllər məhkum olunmuş Ramana qəsəbə sakini M.Qafarov saxlanılıb.

Şəxsi axtarış zamanı ondan heroin aşkar edilib.

Ətrafında aparılan əməliyyat tədbirləri ilə onun mağazaların birindən pul, 1600 manat dəyərində tütün məmulatı, neft məhsulları oğurlaması, eyni zamanda R.Hüseynova məxsus “ZİL” markalı avtomobili qaçırması da müəyyən edilib.

Qaçırılmış avtomobil Ramana qəsəbəsi ərazisində tapılıb.