Xırdalanda qadının ölümü ilə bağlı araşdırma başladı

Abşeron rayonu, Xırdalan şəhərində qadın meyitinin aşkarlanması ilə bağlı hadisə nəzarətə götürülüb.

Bu barədə Teleqraf.com-a Abşeron rayon Prokurorluğundan bildirilib.

Məlumata görə, prokurorluq əməkdaşları hadisə yerinə cəlb edilib.

Hazırda faktla bağlı araşdırmalar aparılır.

Qeyd edək ki, Fövqəladə Hallar Nazirliyinin "112" qaynar telefon xəttinə Abşeron rayonunun Xırdalan şəhərində ikisi azyaşlı olmaqla 3 nəfərin mənzildə bağlı qapı arxasında köməksiz vəziyyətdə qalması barədə məlumat daxil olub.

Hadisə yerinə cəlb olunan Xüsusi Riskli Xilasetmə Xidmətinin müvafiq xilasetmə qüvvələri mənzilin giriş qapısını açıb və orada aşkarlanan 1985-ci il təvəllüdlü Məmmədova Aytəkin Cəsarət qızının meyitini və 2 nəfər azyaşlını halsız vəziyyətdə aşkar edərək aidiyyəti üzrə təhvil veriblər.