Bakının Xətai rayonunda quldurluq hadisəsi baş verib.
Teleqraf.com xəbər verir ki, Xətai rayon Polis İdarəsinin 35-ci polis bölməsinə martın 7-də bir nəfərin paytaxt sakini S.Vəliyevin boyun nahiyəsinə bıçağın arxa hissəsi ilə vuraraq mobil telefonunu və gödəkçəsini götürərək hadisə yerindən qaçması barədə məlumat daxil olub.
Polis əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən Bakı şəhər sakini H.Baxşıyev müəyyən edilərək saxlanılıb.
Faktla bağlı araşdırma aparılır.