Bakıda iki avtomobil aşdı: Ölən və yaralılar var

Bakının Xəzər rayonunun Qala qəsəbəsi ərazisində yol qəzası olub.

Teleqraf.com xəbər verir ki, qəsəbə sakini T.Nəzərov idarə etdiyi “Khazar” markalı avtomobili aşırıb.

Nəticədə avtomobildəki sərnişin E.Soltanov aldığı xəsarətlərdən hadisə yerində ölüb.

Bundan başqa, martın 12-də saat 1 radələrində paytaxtın Binəqədi rayonunun Biləcəri qəsəbəsi ərazisində Cəlilabad rayon sakini E.Əlizadə idarə etdiyi “BMW” markalı avtomobili aşırıb.

Nəticədə avtomobildəki sərnişinlərdən Ş.Mədətov aldığı xəsarətlərdən hadisə yerində ölüb, sürücü və digər sərnişin isə xəstəxanaya yerləşdirilib.

Hər iki faktla bağlı araşdırma aparılır.