Sabirabadda dəhşətli qəza – Ölən var

Sabirabad rayonunda ölümlə nəticələnən yol-nəqliyyat hadisəsi baş verib.

Sabirabad rayon polis şöbəsindən Teleqraf.com-a verilən məlumata görə, hadisə martın 22-də, saat 18 radələrində rayonunun Həşimxanlı kəndi ərazisində qeydə alınıb.

Ətcələr kənd sakini Ə.Ağayev idarə etdiyi “QAZ-31105” markalı avtomobili yolun kənarındakı kanala aşırıb.

Nəticədə sürücü aldığı xəsarətlərdən hadisə yerində ölüb.

Faktla bağlı Sabirabad rayon polis şöbəsində araşdırma aparılır.