17 Aprel 2021 11:00
474
12 Punto 14 Punto 16 Punto 18 Punto

Biləsuvar rayonunda dayanma-durma qaydalarını pozan sürücülərlə bağlı reyd keçirilib.

Bu barədə Teleqraf.com-a Daxili İşlər Nazirliyinin mətbuat xidmətinin Lənkəran regional qrupundan bildirilib.

Biləsuvar rayon polis şöbəsinin dövlət yol polisi bölməsinin əməkdaşları şəhərin küçə və prospektlərində dayanma-durma qaydalarının düzgün təmin edilməsi ilə əlaqədar reyd keçiriblər.

Yol polisi əməkdaşları şəhərin müxtəlif nöqtələrində dayanma-durma və parklanma qaydalarını pozan, eləcə də avtobus dayanacaqlarını, piyada səkilərini zəbt edən nəqliyyat vasitələrinin sürücüləri ilə profilaktiki söhbətlər aparıb.

Qaydaları kobud şəkildə pozan avtomobillərin sürücüləri barəsində inzibati protokollar tərtib olunub.

Yol polisi əməkdaşları tərəfindən bu istiqamətdə tədbirlər qarşıdakı günlərdə də davam etdiriləcək.


Müəllif: Hacı Zeynalov