Baş idarə əməliyyat keçirdi – Həbs olunanlar var

Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Bakı şəhər sakini Z.Nəbiyev Xətai rayonu ərazisində saxlanılıb.

Teleqraf.com xəbər verir ki, şəxsi axtarış zamanı ondan 25 qram heroin, 2 qram metamfetamin aşkar edilib.

Davam etdirilən tədbirlərlə onun yaşadığı evə baxış zamanı oradan 669 qram heroin, 197 qram tiryək və 193 qram metamfetamin götürülüb.

Bundan başqa, Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Bakı şəhər sakini, əvvəllər məhkum olunmuş N.İsmayılov Binəqədi rayonu ərazisində saxlanılıb.

Şəxsi axtarış zamanı ondan 9 qramdan artıq heroin, 8 qrama yaxın metamfetamin aşkar edilib.

Davam etdirilən tədbirlərlə onun yaşadığı evə baxış zamanı oradan 523 qram heroin, 33 qramdan artıq marixuana, 65 qramdan artıq metamfetamin və 2 ədəd elektron tərəzi götürülüb.

Baş Narkotiklərlə Mübarizə İdarəsinin Cənub bölgəsində regional şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Masallı şəhər sakini C.Abıyevin yaşadığı evə baxış zamanı oradan 8 qramdan artıq heroin, 465 qram marixuana, 8 qramdan artıq metamfetamin və 1 ədəd elektron tərəzi aşkar edilib.