Füzuli rayonunun Qayıdış-1 qəsəbəsi ərazisində yol qəzası olub.
Teleqraf.com xəbər verir ki, rayonun Böyük Bəhmənli kənd sakini Asim Hüseynovun idarə etdiyi “QAZel”, Beyləqan rayon sakinləri C.Camalovun idarə etdiyi “VAZ-21154” və V.Süleymanovun idarə etdiyi “Mercedes” markalı avtomobillər toqquşub.
Nəticədə A.Hüseynov və sərnişini Səxavət Səfixanov hadisə yerində ölüb, digər sürücülər və 4 sərnişin xəsarətlərlə xəstəxanaya yerləşdiriliblər.
Faktla bağlı Füzuli rayon polis şöbəsində araşdırma aparılır.