Respublika Neyrocərrahiyyə Xəstəxanasında yanğın - Yeniləndi

TƏBİB Respublika Neyrocərrahiyyə Xəstəxanasında baş verən yanğınla bağlı məlumat yayıb.

Teleqraf.com xəbər verir ki, qurumdan yanğının Respublika Neyrocərrahiyyə Xəstəxanasının həyətində baş verdiyi qeyd olunub.
“Yanğınsöndürənlərin müdaxiləsi ilə alovun qarşısı alınıb”, - deyə TƏBİB-in məlumatında bildirilir.

18:14

Bu gün saat 17:43-də Fövqəladə Hallar Nazirliyinin (FHN) "112" qaynar telefon xəttinə Bakı şəhərinin Xətai rayonunda yerləşən Respublika Neyrocərrahiyyə Xəstəxanasının həyətyanı ərazisində yanğın olması barədə məlumat daxil olub.

Teleqraf.com-un nazirliyin saytına istinadən verdiyi xəbərə görə, məlumat daxil olduqdan dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub.

Yanğınsöndürənlərin çevik müdaxiləsi nəticəsində yanğının genişlənməsinin qarşısı alınıb, yanğın saat 17:52-də söndürülüb.

İlkin məlumata əsasən, xəstəxananın həyətyanı ərazisində karton və taxta tullantıları təqribən 10 kv.m sahədə yanıb. Xəstəxana binası yanğından mühafizə olunub.