Lənkəranda keçmiş məhkum cinayət törətdi

Lənkəran rayonunda oğurluq edən keçmiş məhkum saxlanılıb

Bu barədə Teleqraf.com-a Daxili İşlər Nazirliyin mətbuat xidmətinin Lənkəran regional qrupundan bildirilib.

Rayonun Xanbulan kəndi ərazisində yerləşən evlərdən birinin həyətində təmir sexi kimi istifadə edilən tikilidən ümumi dəyəri 1300 manat olan 3 ədəd su nasosunun, digər məişət avadanlıqlarının və onların ehtiyyat hisssələrinin oğurlanması ilə bağlı rayon polis şöbəsinə müraciət daxil olub.

Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən şəxs müəyyən edilərək saxlanılıb.

Araşdırmalarla onun rayonun Boladi kənd sakini, əvvəllər məhkum olunmuş F.İsgəndərov olduğu müəyyən edilib.

Faktla bağlı araşdırma aparılır.