Sumqayıtda əməliyyat – Həbs olunanlar var

Sumqayıt şəhərində narkotiklərlə bağlı keçirilib.

Teleqraf.com xəbər verir ki, Sumqayıt şəhər Polis İdarəsinin 5-ci polis bölməsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən şəhər sakini, əvvəllər məhkum olunmuş H.Fərəcov saxlanılıb.

Şəxsi axtarış zamanı ondan 11 qramdan artıq heroin və metamfetamin aşkar edilib.

Davam etdirilən tədbirlərlə ona narkotik vasitəni satmaqda şübhəli bilinən əvvəllər məhkum olunmuş V.Əliyev də müəyyən edilərək saxlanılıb.

Onun yaşadığı mənzilə baxış zamanı isə oradan 35 qrama yaxın heroin və metamfetamin götürülüb.

Bundan başqa, Sumqayıt şəhər Polis İdarəsinin 2-ci polis bölməsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Xaçmaz rayon sakini, əvvəllər məhkum olunmuş E.Ramazanovun idarə etdiyi “VAZ-21140” markalı avtomobilə baxış zamanı oradan 1 ədəd süngü bıçaq, sərnişini - həmyerlisi, əvvəllər məhkum olunmuş O.Səfəridən isə 132 qrama yaxın heroin və 4 qrama yaxın metamfetamin aşkar edilib.