Azərbaycanda 6 korona xəstəsi saxlanıldı

Sentyabrın 6-da daxili işlər orqanlarının əməkdaşları tərəfindən respublika ərazisində 6 nəfər aktiv koronavirus xəstəsi ictimai yerlərdə aşkar olunub.

Teleqraf.com-un xəbərinə görə, polis əməkdaşları onlarla izahedici söhbətlər aparıb, tibbi prosedurları gözləməklə yaşadıqları evə qaytarılıb, bu barədə müvafiq səhiyyə orqanları məlumatlandırılıb.

Cinayət Məcəlləsinin 139-1.1-ci (epidemiya əleyhinə və karantin rejiminin pozulması) maddəsi iki nəfər barəsində cinayət işi başlanıb.

Hazırda istintaq hərəkətləri davam edir.