“Erməni icması ilə görüşmək istəyirik”

“Xalq diplomatiyası vacib məsələdir və Dağlıq Qarabağın azərbaycanlı icması Dağlıq Qarabağın erməni icması ilə görüşlərə nail olmaq istəyir”.

Teleqraf.com xəbər verir ki, bunu Milli Məclisin Hüquq siyasəti və dövlət quruculuğu komitəsinin sədr müavini, “Dağlıq Qarabağın Azərbaycanlı İcması” İctimai Birliyinin İdarə Heyətinin üzvü Rövşən Rzayev deyib.

R.Rzayev bildirib ki, dünya ictimaiyyəti və Dağlıq Qarabağ erməniləri başa düşməlidirlər ki, Dağlıq Qarabağdakı hazırkı rejim sadəcə, bir icmadır. Onun fikrincə, Dağlıq Qarabağın azərbaycanlı və erməni icmalarının rəhbərləri bir araya gəlməlidir: “Bizim heç bir şübhəmiz yoxdur ki, Azərbaycanın ərazi bütövlüyü təmin olunacaq və hər iki icma Azərbaycanın tərkibində, Dağlıq Qarabağda yaşayacaq. Bu icmalar öz aralarında ünsiyyət forması tapa bilsələr, bəlkə də böyük sülh müqaviləsinə öz töhfələrini verə bilərlər. Bu istiqamətdə biz bu gün də işimizi davam etdiririk. İnanıram ki, qarşı tərəfdən də belə insanlar tapılacaq”.

Səxavət