Gənc oğlan narkotikin təsiri altında qəza törətdi – Foto

Cəlilabad rayonunda narkotik vasitənin təsiri altında qəza törədən şəxs həbs olunub.

Teleqraf.com xəbər verir ki, bu barədə Daxili İşlər Nazirliyinin mətbuat xidmətinin Lənkəran regional qrupu məlumat yayıb.

Cəlilabad rayon sakini Elvin Hüseynov sürücülük vəsiqəsi və etibarnamə olmadan idarə etdiyi tanışına məxsus “VAZ-2105” markalı avtomobillə Cəlilabad şəhəri ərazisində yol nəqliyyat hadisəsi törədib.

Nəticədə daha 3 nəqliyyat vasitəsinə - “VAZ-21154”, “VAZ-21063” və “Mercedes-Benz” markalı avtomobillər ciddi ziyan dəyib.

E.Hüseynov müvafiq tibbi müayinədən keçirildikdə onun narkotik vasitədən istifadə etdiyi müəyyən olunub.

Həmin şəxs barəsində toplanan materiallar hüquqi qiymət verilməsi üçün Cəlilabad rayon Məhkəməsinə göndərilib. Məhkəmənin qərarı ilə E.Hüseynov 30 gün müddətində inzibati qaydada həbs olunub.