Narkotikin təsiri altında avtomobil idarə edən şəxslər tutuldu

Şabran rayon polis şöbəsinin dövlət yol polisi bölməsinin əməkdaşları tərəfindən rayon ərazisində narkotik vasitələrin təsiri altında avtomobil idarə edən şəxslər saxlanılıblar.

Teleqraf.com xəbər verir ki, bu barədə Daxili İşlər Nazirliyinin mətbuat xidmətinin Quba regional qrupu məlumat yayıb.

Rayon sakinləri - Təbriz Cavadov və Fəqan Səfərəliyevin idarə etdiyi avtomobillər rayon ərazisində nəzarət-yoxlama qaydasında saxlanılıb.

Polis əməkdaşları tərəfindən həmin sürücülərin narkotik vasitənin təsiri altında olmalarına əsaslı şübhələr yaranıb.

Həmin şəxslər rayon polis şöbəsinə gətirilərək həkim müayinəsindən keçiriliblər.

Hər iki şəxsin narkotik vasitələrin təsiri altında olmaları müəyyən edilib.

Faktlarla bağlı araşdırmalar aparılır.