Azərbaycanda ötən il 612 özünüöldürmə və özünüöldürməyə cəhd hadisələri qeydə alınıb.
Teleqraf.com xəbər verir ki, bu barədə Azərbaycan Respublikasının Baş prokuroru Kamran Əliyev prokurorluq orqanları tərəfindən 2021-ci ildə görülmüş işlərin vəziyyəti və qarşıda duran vəzifələrin müzakirəsinə dair yanvarın 24-də Baş Prokurorluqda keçirilmiş geniş kollegiya iclasında deyib.
O qeyd ki, bu hadisə ilə bağlı 81 cinayət işi açılıb, 6 nəfər iş üzrə təqsirləndirilən şəxs kimi istintaqa cəlb edilib, 5-nin işi isə məhkəməyə göndərilib.
Baş prokuror əlavə edib ki, ötən il qəsdən adam öldürməyə cəhdlə bağlı 156 cinayət hadisəsi baş verib: “Həmin cinayətlərin 155-i açılıb, yalnız bir iş açılmamış olaraq qalıb. Həmin cinayət Abşeron rayonunda qeydə alınıb”.
Qeyd edilib ki, ötən il Azərbaycanda 21 zorlama və zorlamaya cəhd hadisəsi qeydə alınıb.
2021-ci ildə belə cinayətlərin sayı azalıb. 2020-ci ildə Azərbaycanda 26 zorlama və zorlamağa cəhd hadisəsi qeydə alınıb