Goranboyda iki nəfəri qətlə yetirən şəxs həbs edildi - Yeni

Goranboyda iki nəfərin qətlə yetirən şəxs həbs olunub.

Bu barədə Teleqraf.com-a Baş Prokurorluqdan bildirilib.

Rayonun Qarasüleymanlı kəndi ərazisində kənd sakinləri - 1970-ci il təvəllüdlü Pərviz Namazov və bacısı 1960-cı il təvəllüdlü Səlmi Namazovanın öldürülməkdə şübhəli bilinən İlham Haqverdiyev şübhəli şəxs qismində tutularaq istintaqa cəlb olunub.

***

09:41

Goranboyda iki nəfərin qətli ilə bağlı cinayət işi açılıb.

Bu barədə Teleqraf.com-a rayon prokurorluğundan məlumat verilib.

Bildirilib ki, fevralın 6-sı saat 17 radələrində rayonun Qarasüleymanlı kəndi ərazisində kənd sakinləri - 1970-ci il təvəllüdlü Pərviz Namazov və bacısı 1960-cı il təvəllüdlü Səlmi Namazovanın öldürülmələri barədə rayon prokurorluğuna məlumat daxil olub.

Aparılan ilkin araşdırmalarla zərərçəkmişlərin həmkəndlisi, 1965-ci il təvəllüdlü İlham Haqverdiyevin torpaq mübahisəsi ilə əlaqədar aralarında yaranan münaqişə zamanı Pərviz Namazov və Səlmi Namazovaya bıçaqla xəsarətlər yetirərək onları qəsdən öldürməsinə əsaslı şübhələr müəyyən edilib.

Faktla bağlı Goranboy Rayon Prokurorluğunda Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsi ilə cinayət işi başlanılıb.

Hazırda cinayət işi üzrə istintaq tədbirləri davam edir.