Qəbələdə 47 yaşlı kişinin ölümü ilə rəsmi – Açıqlama

Qəbələdə naməlum avtomobil 47 yaşlı kişini vuraraq öldürüb.

Bu barədə Teleqraf.com-a Baş Prokurorluğun mətbuat xidmətindən bildirilib.

Qəbələ rayonunun Böyük Əmilli kənd sakini 1975-ci il təvəllüdlü Salahov Bəxtiyar Tacir oğlunun qeyri aşkar şəraitdə sağ ayağının baldır sümüklərinin açıq sınığı xəsarətlərini alması və göstərilmiş tibbi yardıma baxmayaraq Qəbələ rayonunun Diaqnostika Mərkəzində 25 dekabr 2021-ci il tarixdə vəfat etməsi faktına görə Qəbələ rayon prokurorluğu tərəfindən Cinayət Məcəlləsinin 263.2-ci maddəsi (ehtiyatsızlıqdan zərərçəkmiş şəxsin ölümünə səbəb olmuş nəqliyyat vasitəsini idarə edən şəxs tərəfindən yol hərəkəti və nəqliyyat vasitələrinin istismarı qaydaları pozma) ilə cinayət işi başlanılıb, istintaq aparılması üçün Qəbələ rayon polis şöbəsinin istintaq bölməsinə göndərilib.

Hazırda cinayət hadisəsinin hansı şəraitdə baş verməsinin müəyyən edilməsi istiqamətində zəruri istintaq və əməliyyat tədbirləri davam etdirilir.