29 Aprel 10:14
214
12 Punto 14 Punto 16 Punto 18 Punto

Lənkəranda narkotik vasitənin təsiri altında avtomobil idarə edən şəxsin sürücülük hüququ məhdudlaşdırılıb, özü isə həbs edilib.

Teleqraf.com xəbər verir ki, Lənkəran şəhər rayon polis şöbəsinin dövlət yol polisi bölməsinin əməkdaşları tərəfindən rayon ərazisində hərəkətdə olan “Mercedes” markalı avtomobilin sürücüsü təhlükəsizlik kəmərindən istifadə etmədiyi üçün ona “saxla” işarəsi verilib.

Nəqliyyat vasitəsi saxlanıldıqdan sonra sürücü, Lənkəran rayon sakini Kazım Qulamovun narkotik vasitə qəbul etməsinə dair şübhələr yarandığından onun müvafiq tibbi müayinədən keçirilməsi təmin edilib.

Müayinənin nəticəsinə əsasən K.Qulamovun narkotik vasitədən istifadə etdiyi məlum olub.

Onun barəsində toplanmış materiallar hüquqi qiymət verilməsi üçün Lənkəran rayon Məhkəməsinə göndərilib.

Məhkəmənin qərarı ilə həmin şəxs nəqliyyat vasitəsini idarə etmək hüququ 2 il müddətinə məhdudlaşdırılmaqla 15 gün müddətində inzibati qaydada həbs edilib.

Qeyd edək ki, K.Qulamovla bağlı eyni hal bir neçə ay əvvəl də aşkarlanıb və həmin vaxt da barəsində qanunamvüafiq qaydada tədbir görülüb.


Müəllif: Hacı Zeynalov