29 İyun 2022 10:30
617
12 Punto 14 Punto 16 Punto 18 Punto

Bu ilin martın 8-də Mingəçevir şəhər sakini Elnar Rəcəbova bıçaqla xəsarətlər yetirilməsi faktı üzrə Cinayət Məcəlləsinin müvafiq maddəsi ilə başlanmış cinayət işi üzrə istintaq tamamlanıb.

Bu barədə Teleqraf.com-a Mingəçevir şəhər prokurorluğundan bildirilib.

Aparılmış istintaqla zərərçəkmişin qonşusu Şirxan Hacıələkbərovun heç bir səbəb olmadan xuliqanlıq niyyəti ilə bıçaqla Elnar Rəcəbova xəsarətlər yetirərək qəsdən öldürməyə cəhd etməsinə əsaslı şübhələr müəyyən edilib.

Şirxan Hacıələkbərova Cinayət Məcəlləsinin 29, 120.2.2 (xuliqanlıq niyyətilə qəsdən adam öldürməyə cəhd) maddəsi ilə ittiham elan edilərək barəsində məhkəmənin qərarı ilə həbs qətimkan tədbiri seçilib.

Cinayət işi baxılması üçün aidiyyəti üzrə Şəki Ağır Cinayətlər Məhkəməsinə göndərilib.


Müəllif: Hacı Zeynalov