Hökməlidə yanğın söndürüldü - Yeniləndi

Hökməli qəsəbəsindəki dəri emalı sexində baş vermiş yanğın söndürülüb.

Teleqraf.com-a Fövqəladə Hallar Nazirliyindən verilən məlumata görə, yanğınsöndürənlərin çevik müdaxiləsi və peşəkarlığı sayəsində yanğın qısa müddətdə söndürülüb. Həmçinin yanğının sexə bilavasitə bitişik evlərə yayılmasına imkan verilməyib.

İlkin məlumata əsasən, yanğın nəticəsində hər mərtəbəsi təxminən 950 kv.m olan sexin ikinci mərtəbəsinin yanar konstruksiyaları yanıb. Sexin birinci mərtəbəsi və bitişik evlər yanğından mühafizə olunub.

17:40

***

Hökməli qəsəbəsində sexdə yanğın başlayıb.

Bu barədə Teleqraf.com-a Fövqəladə Hallar Nazirliyindən (FHN) məlumat verilib. Bildirilib ki, "112" qaynar telefon xəttinə Abşeron rayonunun Hökməli qəsəbəsində sexdə yanğın olması barədə məlumat daxil olub.

Məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub. Hazırda yanğınsöndürmə işləri davam edir.