Zığ şossesində qəzada xəsarət alanlardan biri dünyasını dəyişdi

Bakının Zığ şosesində baş verən yol qəzasında bir nəfər dünyasını dəyişib.

TƏBİB-dən Teleqraf.com-a verilən məlumata görə, Zığ şosesində baş verən ağır yol-nəqliyyat hadisəsi nəticəsində xəsarət alanlardan biri saat 12:20 radələrində TƏBİB-in tabeliyində olan xəstəxanaya yerləşdirilib.

1964-cü il təvəllüdlü vətəndaşa açıq kəllə-beyin travması, baş beynin ve beyin kötüyünün ağır dərəcəli əzilməsi, sağ beyin yarımkürəsi üzərində kəskin subdural hematoma, sağ təpə nahiyəsində əzilmiş cırılmış yarası diaqnozları qoyulub.

Həkimlərin bütün səylərinə baxmayaraq, xəstə saat 14:40 radələrində vəfat edib.