İtaliyada helikopter qəzası - Bir ailənin 5 üzvü öldü

İtaliyanın Foca şəhərində helikopter qəzaya uğrayıb.

Teleqraf.com xəbər verir ki, bu barədə şənbə günü "Il Messaggero" qəzeti məlumat yayıb.

Məlumata əsasən, helikopterin qəzaya uğraması nəticəsində biri uşaq olmaqla 7 nəfər həlak olub. Həlak olanlardan 5-i bir ailənin üzvü olan sloveniyalı turistlər, biri pilot, biri isə həkim olub.

Bildirilir ki, helikopter Tremiti adalarından havaya qalxıb. Qəzanın səbəbi araşdırılır.