Bakıda avtomobildən oğurluq edildi

Bakının Nizami rayonunda oğurluq hadisəsi baş verib.

Teleqraf.com xəbər verir ki, Nizami rayon Polis İdarəsinin 25-ci polis şöbəsinə Ş.Mirzəyev küçəsində yerləşən avtomobillərin yuyulması məntəqəsində “Opel” markalı bir avtomobildən 1210 manat oğurlanması barədə müraciət daxil olub.

Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Sabirabad rayon sakini, əvvəllər də oğurluğa görə məhkum olunmuş Asəf Şirinov saxlanılıb.

Faktla bağlı araşdırma aparılır.