Rusiyada yaşayış binası çökdü - ölənlər var

Rusiyanın Nijnevartovsk şəhərində beşmərtəbəli yaşayış evinin 2 mərtəbəsi çöküb.

Teleqraf.com xəbər verir ki, bu barədə bazar günü "TASS"a təcili xidmətlərdəki mənbə məlumat verib.

Məlumata əsasən, hadisə nəticəsində 5 nəfər həlak olub, 10 nəfər isə xəsarət alıb.

İnsidentdən sonra binadan 52 nəfər təxliyə edilib.

Hazırda hadisə yerində dağıntıların təmizlənməsi üzrə işlər görülür.

Qeyd edilir ki, binanın 2 mərtəbəsinin çökməsinə səbəb qaz sızması nəticəsində baş verən partlayış olub.