Kürdəmirdə qadın xəstəxanada öldü

Dekabrın 11-i saat 21 radələrində Kürdəmir rayonu, Yenikənd kənd sakini 1979-cu il təvəllüdlü Saray Eminovanın Kürdəmir Rayon Mərkəzi Xəstəxanasında ölməsi barədə rayon prokurorluğuna məlumat daxil olub.

Bu barədə Teleqraf.com-a Kürdəmir rayon Prokurorluğundan bildirilib.

Araşdırma zamanı müəyyən edilib ki, Saray Eminova dekabrın 10-da “uşaqlığın leomioması, qanaxma ilə, anemiya” diaqnozu ilə xəstəxanaya daxil olub, həmin gün saat 12:00-da isə əməliyyat olunmuşdur. Göstərilən tibbi yardıma baxmayaraq S.Eminova vəfat edib.

Faktla bağlı Kürdəmir rayon Prokurorluğunda araşdırma davam edir.