Bakıda qadını zorla qaçırmaq istəyən şəxslər saxlanıldı – Yeniləndi

Bakıda qadını zorla qaçırmaq istəyən şəxslər saxlanılıblar.

Teleqraf.com xəbər verir ki, bununla bağlı Daxili İşlər Nazirliyi məlumat yayıb.

Bildirilib ki, hazırda araşdırmalar davam etdirilir.

***

15:28

Bakıda qadının zorla avtomobilə mindirilməsini əks etdirən görüntülər yayılıb.

Teleqraf.com “Unikal”a istinadən xəbər verir ki, hadisə Binəqədi rayonu, 9-cu mikrorayon ərazisində baş verib.

Görüntülərdə 3 nəfərin qadını zorla "Opel" markalı avtomobilə mindirdiyi görünür.

DİN-in mətbuat xidmətinin əməkdaşı, polis mayoru Anar Qafarov Trend-ə açıqlamasında görüntülərin araşdırıldığını deyib.

Orada əks olunan şəxslər bir ailənin üzvləridir. Xanımı boşanma fikirindən daşındırmaq üçün rəsmi nikahda olduğu əri, xanımın atası və qayınanası onu məcbur edərək rayona aparmağa çalışıblar.

Xanım hazırda polis orqanındadır, təhlükəsizliyi təmin edilib.

Polis əməkdaşları tərəfindən araşdırmalar davam etdirilir.