Bakıda silahlı insident: 2 nəfər yaralandı, 1 nəfər həbs edildi - Yeniləndi

Bakının Nəsimi rayonunda silahlı insident törədən şəxs saxlanılıb.

Bu barədə Teleqraf.com-a Daxili İşlər Nazirliyinin mətbuat xidmətindən bildirilib.

Məlumata görə, hadisəni törətməkdə şübhəli bilinən şəxs polis əməkdaşları tərəfindən saxlanılıb.

***

15.23

Bakının Nəsimi rayonunda baş verən silahlı insidentdə yaralananların kimliyi məlum olub.

Teleqraf.com xəbər verir ki, hadisədə 2 nəfər xəsarət alıb.

Xəsarət alanlar - 2002-ci il təvəllüdlü Fəqan Rəhimli, 1983-cü təvəllüdlü Tamerlan Hüseynov xəstəxanaya çatdırılıb.

***

15.10

Baş Prokurorluq Bakıda baş verən silahlı insidentlə bağlı məlumat yayıb.

Teleqraf.com xəbər verir ki, Nəsimi rayonu, Səməd Vurğun küçəsində baş vermiş silahlı insidentlə bağlı hazırda Baş Prokurorluq və Daxili İşlər Nazirliyinin əməkdaşları hadisə yerindədilər.

İctimaiyyətə əlavə məlumatın verilməsi təmin ediləcəkdir. Rəsmi qurumun açıqlamasını gözləmək xahiş olunur.

***

14.59

Bakının Nəsimi rayonunda 3 nəfərin odlu silahdan açılan atəşdən yaralanması ilə bağlı polisə məlumat daxil olub.

Bu barədə Teleqraf.com-a Daxili İşlər Nazirliyinin mətbuat xidmətindən bildirilib.

Hadisə yerinə polis əməkdaşları cəlb edilib.

Araşdırma aparılır.

Əlavə məlumat veriləcək.