Kürdəmir sakini Abşeronda itkin düşdü

Kürdəmir sakini Abşeron rayonunda itkin düşüb.

Teleqraf.com xəbər verir ki, Kürdəmir rayonun Carlı kənd sakini 1960-cı il təvəllüdlü Şirəliyev Vahid Zərbəli oğlu yanvarın 7-də yaşadığı Abşeron rayonu, Digah qəsəbəsindəki evindən çıxaraq bir daha geri qayıtmayıb.

Onun əlamətləri: boyu 175 sm, normal bədən quruluşlu, saçları ağarmış, qaraşın, gözləri qəhvəyi rəngdədir.

Evdən çıxarkən əynində qara rəngli cins şalvar, qara rəngli gödəkçə və qara rəngli ayaqqabı olub.

Onu görən şəxslərdən (012) 343-02-02 şəhər və (070) 276-27-27 mobil nömrələrinə zəng vuraraq məlumat vermələri xahiş olunur.