Mingəçevirdə avtomobil 3 qızı vurdu

Mingəçevirdə avtomobil eyni vaxtda 3 piyada qızı vurub.

Teleqraf.com xəbər verir ki, hadisə Heydər Əliyev prospektinin Kür çayına yaxın hissəsində baş verib.

"VAZ-2107" markalı avtomobil yolu keçmək istəyən qızları vuraraq onlara müxtəlif dərəcəli bədən xəsarətləri yetirib.

Xəstəxanaya çatdırılan yaralılardan durumu daha ağır olan 2005-ci il təvəllüdlü Əliyeva Səbinə Rövşən qızı dərhal cərrahiyə şöbəsinə qaldırılıb.

2006-cı il təvəllüdlü M.Soltanova və 2005-ci il təvəllüdlü A.Tağızadə isə zəruri tibbi yardım aldıqdan sonra ambulator müalicə üçün evə buraxılıblar.

Faktla bağlı araşdırma aparılır.