“Azərbaycan vətəndaşlarını geri qaytaracaq”

“Ermənistanın kütləvi informasiya vasitələrində Dilqəm Əsgərov və Şahbaz Quliyevin üzərində qurulmuş qondarma məhkəmə işinin və onun başa çatmasının heç bir hüquqi əsası yoxdur”.

Teleqraf.com xəbər verir ki, bu fikri Milli Məclisin deputatı, politoloq Rasim Musabəyov deyib.

R.Musabəyov bildirib ki, qondarma rejimin “məhkəmə”si ilə Dilqəm Əsgərova ömürlük, Şahbaz Quliyevə isə 22 il cəza verilməsinin heç bir hüquqi qüvvəsi yoxdur. Onun sözlərinə görə, həm separatçı rejimin məhkəməsi, həm hakimləri, həm də ittihamları qondarmadır.

“O adamlar sadəcə olaraq ermənilər tərəfindən saxlanılan Azərbaycan girovlarıdır. Düşünürəm ki, rəsmi Bakı girovların azad edilməsi istiqamətində öz fəaliyyətini davam etdirəcək. Ümumiyyətlə, bu qondarma rejimi heç kim tanımır. Azərbaycan beynəlxalq təşkilatlar vasitəsilə öz vətəndaşlarının geri qaytarılmasına çalışacaq” – deyə, R.Musabəyov qeyd edib.

Səxavət